Pages

Saturday, July 2, 2011

Event: Social Media Gathering - Part I

قبل جم يوم وصلتني دعوة من His & Her للاحتفالية بيوم المدونين العالمي , بالطبع وافقت وكان الموعد يوم الخميس في نادي الكورنيش وخذيت معاي بنت اختي "لطوفه" مع صديقتها لانها حييل مهتمه في موضوع البلوقز واحتمال تكتب معاي في بلوقي .. وطبعا ما يخفى على الجميع ان الجو كان خياااال بس كل شي يسوى يهون بمقابل التعب الي سووه كل من الاخوان Omarker و His & Her و Q8Stig.
وصلنا هناك ولقيت ان مسوي بطاقات تعريفية حق البلوقرز علشان يتعرفون على بعض وتكون طريقة التواصل اسهل وطبعا انا اعرف البعض منهم فا شغله حلوه ان نتعارف من غير لا نسأل , فكرة حلوة قواكم الله
في البداية القى عمر العثمان ترحيبية بدا فيها بأسم مدونتي نظرا لانها مطر الكويت والدنيا برا كانت مالها علاقة بالمطر نهائيا :S يعني في مقترح اغير اسمها الين غبار الكويت :P .. عموما تكلم عمر عن سبب تواجدنا اليوم وان البلوقز لازم يكونين على قلب واحد والحمدالله هذا الي قاعد يصير وان اغلب دول الخليج تمدح في تعاون البلوقز في الكويت من هالمنطلق طلعت فكرة تجمع المدونين الي راح يكون مسئول بين فترة وفترة ان يسوي فعاليات من غير رعاة تجاريين بحيث تكون الفعالية من البلوقز للبلوقز نفسهم
وبعدها القى الزميل عبدالرزاق المطوع من غالية للتكنلوجيا ) الداعمين للتجمع والمؤكدين على دعمهم المستمر نظرا لاهمية المدونات الي صارت تنافس الجرايد, وبعدها بدا  Q8؟؟؟... ماراح اقووول منو لانه بدا كلمته من غير لا يعرف بنفسه "تشويق واثارة" بس اقدر اقولكم اهوا شخص كاتب في مدونته ان يشرب ديزل و ياكل تواير ميشيلين واحيان دموعه تستخدم استيووون ؟؟ عرفتوه؟؟  اهوا شخص الكل اعتقد ان مافي شي يشغل باله غير السيارات وان الخوذه الي على راسه حدت من تفكيره بالسيارات فقط!!! بس تدرون كلنا غلطانين من هالملتقى اكتشفنا ان ماشالله عليه متحدث لبق ويعرف امور ثانيه اكثر من السيارات .. طبعا عرفتووه Q8Stig... وطبعا تطرق بكلمته بان المدونين لازم يكون محايدين في طرحهم ولازم يعتمدون النقد البناء بعيدا عن النقد الهدام.
 
وبعدهم تكلم the His from the nicest couple ever the famous His & Her .. كانت كلمته حلوه وخفيفه وطبعا بجميع احاديثه كان لازم يتطرق حق her لانها مو بس شريكته بالحياة وانما بالبلوق بعد .. وتكلم عن طريقة الفكرة وان لازم يكون في تجمع يجمع المدونين .. 
وبعدها تكلم المصمم سعود الخطيب  وبصراحة كلمة مصمم شوية عليه لان ماشالله عليه عنده سيرتة ذاتيه بس اقدر اختصرها واقولكم الي مصمم مدونة  His & Her و طبعا اهوا احد الاشخاص الي اشتهروا مؤخرا في الردديت 
 واخيرا فهمت شسالفتهم لانه عطانا شرح مفصل للموقع وسبب شهرتهم وانا بعض مستخدمي الموقع كانت عندهم فكرة مختلفة عن الكويت انها منغلقه ومن هالامور ... نقدر نقول الي حسيته ان الReddit راح يكون بدال تويتر بالمسنقبل
وطبعا بعدها كان البوفية "مادري من تقدمت منو" بس على ذمة بنت اختي كان بارد لوول صج ماستحي مشكورين واكرمكم الله 
حسبالكم الين الاكل وخلصت الاحتفالية ؟؟؟؟ لاااا تو الناسسسس تبون تعرفون تفاصيل اكثر ؟؟؟ تبون تعرفون شنو تناقشنا فيه اخر شي؟؟ وان بخاطري اجاوب جم سؤال بس وقتها استحيت اتكلم!!  تبوم تعرفون وجهة نظري بشخصية كل بلوقز قابلتهم وسمعته يتكلم ؟؟؟ انتظروا بوستي الثاني!!
to be continue, stay tuned

5 comments:

The Stig said...

Lol, I liked your detailed analysis for the personality.
I hope I was of an added value. And at the end we are all helping and supporting. Your show up is a support in itself.

Say hi to your niece, and that we are sorry for the cold food :p

Rainy said...

There are more wait for my next post :p , thank you for the event and please next time let us help

The Stig said...

Next time it will be more interesting and more organized enshalla. And we will ask bloggers to share more info. You were the most silent blogger that day though :p

Maybe you're more comfortable behind the computer than in real discussions :)

Anonymous said...

الصوره الجاماعية عرفنا على لبلوقر فيها اساميهم مدواتهم

عشان ماينخلط الحابل بالنابل :P

Rainy said...

Q8Stig: eheeehhhe naaah but its a strategic, In the beginning i always listened to all the after time you will see me participate o az3ijkom :P

anonymous: لوووووووووووول تبي صور كل البلوقر مو جنها قوية شوية

Post a Comment