Pages

Thursday, September 8, 2011

Shake Shack ..Eshda3wa!!

 الاسبوع الي طاف قررت انا وبنت اختي ان نجرب مطعم يديد وبما اني ماجربت مطعم شيك شاك الي في مجمع الافنيوز لاني نطرت الدوس واللويه تخف عليه فا قلت هذا الوقت المناسب خصوصا ان كان ايام اسبوع ووقت الظهاري فا الكل مشغول بدوامه
 انا طلبت ساندويش المشروم "نباتي" وبنت اختي طلبت البرجر العادي .. الاكل كان زين بس يعني بصراحة مستحيل اتعنى له لان اول شي وايد وايد وايد وايد وايد جبن يعني طول اليوم معدتي تعورني من دسامة الاكل وبنت اختي ما  كملت الصمونه لانها قالت خالتي وايد ثقيله شبعت .. وبصراحة البطاط كان حيل عادي يعني الين الحين برجر هب عندي محتل المرتبة الاولى
الي عجبني في اكلهم ان اول صمونه نباتيه اكلها في حياتي مافيها بهارات وايد ولا فلفل يعني انا لاعن جبدي ان اغلب المطاعم يسون صمونه نباتي متروس بهارات وفلفل ... اعتقد اني راح اجربها مره ثانيه بس من غير الجبن يعني شوفوا الصورة شلون الجبن قامت الصمونه وعليه عليها
اعتقد السعر مبالغ فيه يعني شحقه صمونه المشروم بروحها بدينارين ونص المشروم يايبنه من بلاد العجائب !! والماي بروحه بدينار ؟؟ انزين شحقه ترى الخدمة ذاتية يعني مو الي انتوا يايبن ماي وقلاصات !! مادري بس اعتقد ان الهبه الحين كلشي غالي مثل الفروزن يوغرت الي كسرهم ايكيا

5 comments:

iMaGiNaTiOn said...

no matter what , I WILL TRY IT WHEN I COME BACK :(

7abitainBLOG said...

bil 3afya :>

Rainy said...

imagination: enta erja3 awal :P ymkeen yft7oo something else o y9eer haba fee el kwt
7abitain: ye3afeek bro

Räumung wien said...

فين الموضوعات الجديدة .. ؟؟

Entsorgung said...

LOL

Post a Comment