فورجن كوكي .. حده يشوق

في رحلة البحث عن دراريع حق الغبقات والعزايم الي ما تخلص في بيتنا قررنا انا وبنت خالتي نروح مجمع اولمبيا ونزور فورجن كوكي لان قريت عنه وايد ولا مره رحت له ابدااا

 

المهم رحنا انا وبنت خالتي وبصراحة وايد وايد وايد حبيت المكان بس لما رحنا الظاهر كل الدراريع السنعه خالصة وما كان في اشياء وايد.. لقينا بس واحد نفنوف مانيش ارورا ب 400 دينار بس كان وايد وسيع .. 

حيل عجبني بس وين الواحد يلقي الوقت يروح الخياط  ويصلحه .. انا يالله اداوم ونتفطر مع الاهل وبعدين عزومة فا قررنا ما نشتريه وقمت اخذ جم صورة حق المحل فورجن كوكي لان ماشالله ديكوراته عجيبه و كل شي فيه من اكسسورات ونوتس وهدوم وحتي اكسسورات للاثاث مثل الكوشيات .. 

  طبعا ماشالله ديكوراته وايد حلوووه واهم شي عجبني ان مغيرين ديكوراتهم على رمضان يعني وين ما تروحون تلقون بطول فيمتووو لو امي تدري عنه جان راحت شرت الفيمتو وطلعت لانها مدمنة فيمتو برمضان فديتها المهم خلصنا من الديكورات خلينا نشوف الاكسسورات الموجودة

 

 

 

 طبعا حيل عجبتني فكرة ان مسوين سوارات على شكل عقل مسمينه "ميني عقال" حيل عجبني وبغيت اشتريه بس كان وايد كبير فا اتمني يسون مقاسات اصغر علشان اقدر اشتريهم ... المحل يسوى الروحه والمجمع يونس وايد هاااادي

 

اخر شي بنت خالتي اشترت هذا السوار ناعم وحلو تلبسونه مع الساعه كان سعره ب 3 دنانير .. يعني مو غالي .. المكان وايد وايد وايد حلو حق الناس الي تبي تلقى اشياء غريبه وحلوه وفوق هذا ينفع المكان حق الناس الي يحبون التصوير لان المكان ديكوراته خيال .. موقع فورجن كوكي..