Pages

Sunday, August 14, 2011

البلاقره بضيافة فيفا للاتصالات!

يوم الخميس الي طاف انعزمت على الغبقة الرمضانية من شركة فيفا للاتصالات في فندق مارينا مول في خيمة قمر مارينا وكالعادة وصلت متأخره بس الحمدالله ماكانوا توهم بادين ... وكالعادة ونفس ما قلت وراح اقول فيفا دائما فعالياتها مميزة وغيــــــــــــــــــــــــر
طبعا كان يدير الغبقة المميز مايك مبلتع والي بصراحة تألق وموتنا من الضحك بخفة دمه.. اي ولازم اقولكم شغله ترى احنا من اليوم ورايح اسمنا بلاقره مو مدونين ولا بلوقرز .. بلاقره يا جماعة الخيرر اوكي وفقا لرواية مايك مبلتع  !!
والشي الي دايما احبه في فيفا انهم تحسون تعبانين على الفعالية مو بس تعالوا عازمينكم وخلاص لا تلقونه تعبانين على ادق التفاصيل يعني على سبيل المثال ..
تم تشغيل هذي اللوحة الالكترونية وحطوا اسماء اغلب البلاقره "مو بلوقرز" وطبعا اسمي كان بينهم yaaaay ومو بس جذي لاااااااا .. شغلوا نشرة اخبارية بصوت المميز مايك امبلتع عن البلاقره وانا كان اسمي بينهم .. مثل اليهال كان ودي اناقز من الفرحة لووووول .. تبون تسمعونها ضغطوا هاللنك 1 Audio Track-mp3.mp3
وطبعا تعرفون منو هذي ؟؟ احلي واهضم واكثر بنوته تشوق اسمالله عليها الله يحفظها اصغر بلوقر في الكويت لوجين ماشالله عليها نافست مايك مبلتع وحيل ضحكتنا لما كانت تتكلم انجليزي وضايع مايك بالطوشه so cute
.. بالاضافة لهذا كله هناك بعض المشاهير اعلاميا منهم طلال الياقوت وعبدالوهاب العيسي وولدنا البلوقري عمر العثمان الي لا تنسون تصوتون له هني :P
عمر العثمان
طلال الياقوت
عبدالوهاب العيسى
وفوق هذا كان في مسابقات سواها مايك مبلتع وعطوا جوائز ايفون واجهزة موتورلا وفوق هذا كان في سحب لان لما دخلنا كان في توزيع لكروت فيها ارقام ... وتدرون السحب كان على شنو ؟؟؟ على تذكرة واقامة لحضور مباراة مانشستر يونايتد شهر اكتوبر المقبل اول واحد فاز بالسحب اهوا الاخ مبارك اسماعيل من مدونة HiKuwait واعتذر عن قبولها بسبب عدم اهتمامه بالرياضه وبعد بالسحب الثاني فاز الاخ بوفلان وهمن اعتذر لعدم اهتمامه وختامها مسك ان فاز بالسحب ولد اختنا المدونة Buzfariy  الي حبيبي من الفرحة نقز من مكانه.. وما ننسى بعد ضيافة فيفا اكرمهم الله 
 
وطبعا اخر شي محد يطلع من فيفا خالي الوفاض علي قولتهم .. عطوا هدية قرقيعان على شكل هلال وتلفون هواوي اندرويد الي مسوين عليه الحين عرض تشتريه ب 5 دنانير وتوقع عقد لمدة سنة باشتراك 10 دنانير وفيه معاه على مكالمات واشتراك انرنت خوش عرض والله اتصلوا وسألوا عنه
وبصراحة ما يسعني الا اني اشكر فيفا للاتصالات على الغبقة الحلوة والي صج متعوب عليها واخص بالشكر الاخت مي السبيعي ما شاء الله عليها نشاط وحيوية وضحكة ما تفارق الويه الله يعطيكم الصحه والعافية وعساكم من عواده يارب

2 comments:

Ducati said...

كان يوم عجيب فعلا

ما قصروا فيفا

Rainy said...

eee wala it was fun .. as always viva events .. all about fun

Post a Comment