الاسبوع الي طاف كان عندنا عزيمة بالبيت ومن ضمن السوالف قمنا نسولف عن الأعراس ويبنا طاري عرس اخوي الي أمي سوته علي اربع ايام لان ماعندنا غيره ومن ضمن فعاليات الحفلات "اهم شي فعاليات" أمي اختمت الحفلات بحفلة بالبيت للحريم الكبار بالعائلة وطبعا الحريم الكبار ما يسمعون شون باول ولا الجسمي ، ما ايب راسهم الا أغاني اول فااااا تخيلوا أمي يابت صفافات .
طبعا وايد مايعرفون شنو صفافات؛ الصفافات عبارة عن مجموعة حريم يغنون أغاني بإيقاع بدوي بدون اي موسيقي يعني صوتهم يكون اهوا الايقاع ، كان حلو بس شخباري صفافات ، المهم واحنا نتكلم عن الصفافات الا صديقتنا سوسو تطلع كرت صفافه وتقولي راح ايبهم بعرسي "زين قلتيلي عشان ما ايي"
0 comments:
Post a Comment