اليوم رحت صالون ديمزز وقررت اجرب موضة صبغ اظافر يديدة وهي يسمونها ماربيل كلورز وفكرتها يدمجون لكم ٣ ألوان من الصبغ عن طريق الماي اول شي اخترت الألوان الي تناسب دراعتي الي بلبسها
اخترت الأزرق ، البرتقالي والذهبي والأبيض يكون القاعده وطبعا اول شي سويت بديكير منكير وبصراحة عجيب شغلهم والحبوبة أيمي سوته لي
المهم عقب ما خلصت البديكير حطوا طبقت حماية علي أظافري وبعدين حطت لون القاعده الابيض علشان يندمجون الألوان فوقه
وبعدين بلشت تخلط الألوان الثلاثة بالماي علشان تحط أظافري فيهم ويثبت اللون ونصيحة لا تجربونها بالبيت تري شكلها سهله بس تطبيقها صعب لان حاولت اطبق علي بنت اختي وآخر شي زعلت علي لان صاروا أصابعها ملونين مو بس أظافرها
بعدين تبدي أتحرك الألوان بعود الأسنان وتحاول تسوي خلطه او رسمه حلوة علشان يطبع علي الظفر الألوان الثلاثة كلها
بعدين عقب ما تخلط الألوان عدل تبدي تغمس اصابعج بالماي الصبغ راح يلصق حتي علي اصابعج بس عادي بعدين راح ينظفونه
وبصراحة أنا غالبا احب احط لون واحد ماحب اجرب ألوان وايد بس هذا وايد حبيته تبون تشوفون النتيجة النهاية تلااااااااا تري بالصورة حلو بس بالطبيعة وايد احلي
